Ова се 25-те најдобри кошаркари во историјата на АБА
АБА-лигата на својата 25-годишнина ги именува 25-те најистакнати кошаркари во историјата на регионалното натпреварување.
На церемонијата по повод 25-годишнината од АБА лигата, одржана на 05.09.2026, симболично беше објавена листа со 25-те најдобри кошаркари во историјата на регионалното првенство, а на врвот е Никола Јокиќ.
Во изборот се најдоа имена од различни генерации — од легенди до играчи кои го градеа статусот во понов период. Меѓу нив е и Лестер Бо Мекејлеб, кој беше дел од нашата репрезентација во минатото.
Застапеност по клубови и националности
На листата има вкупно девет српски кошаркари, најмногу од една националност. Партизан и Црвена Звезда се претставени со по седум кошаркари.
Црно-белите на споменатата листа се Дејан Милојевиќ, Богдан Богдановиќ, Никола Пековиќ, Јан Весели, Бо Мекејлеб, Душан Кецман и Немања Гордиќ, додека црвено-белата опрема ја носеа Милош Теодосиќ, Никола Калиниќ, Игор Ракочевиќ, Василије Мициќ, Немања Бјелица, Чарлс Џенкинс и Факундо Кампако.
Меѓу преостанатите играчи се уште Дарио Шариќ, Горан Драгиќ, Никола Вучевиќ, Јака Лаковиќ, Бојан Богдановиќ, Дино Радја, Лука Божиќ, Крунослав Симон, Марко Поповиќ и Анте Томиќ. Листата ја предводи сегашниот центар на Денвер Нагетс, поранешен член на Мега, кој не играл за ниту еден од вечните ривали.
Фото: прес-материјал од настанот
