Пентагон најави пренос во живо на погубувањето на Нидал Хасан
Министерот за одбрана Пит Хегсет најави дека погубувањето со стрелачки вод ќе се одржи на 3 декември во Форт Худ и ќе биде пренесувано во живо.
Пентагон ќе го пренесува во живо погубувањето на поранешниот мајор на американската армија Нидал Хасан, соопшти министерот за одбрана Пит Хегсет. Хасан беше осуден на смрт по нападот на 5 ноември 2009 во базата Форт Худ во Тексас, кога уби 13 невооружени американски војници и рани 32.
Хегсет рече дека погубувањето е закажано за 3 декември во Форт Худ и дека јавноста ќе може да го следи преносот.
„Ќе се погрижиме луѓето да можат да го гледаат. Луѓето треба да разберат дека постојат сериозни последици за ваквите дела“, изјави Хегсет.
Предизвици и реторика
Ако планот биде спроведен, тоа ќе биде прво јавно погубување во САД по речиси еден век и прво воено погубување со стрелачки вод од Втората светска војна.
Адвокатот Џон Милс, кој работи со затвореници осудени на смрт, предупреди за правната неизвесност и необичноста на одлуката. „Одлуката за пренос во живо е без преседан во модерната ера и се одвива на несигурен правен терен. Ќе бидам изненаден ако навистина се изврши“, изјави Милс.
Минатата година биле извршени повеќе од 2.700 смртни казни во 17 земји, но само во две земји дел од нив биле јавни: 11 извршувања во Иран и шест во Авганистан.
Фото: Гети)
