Перпарим Бајрами баран за екстрадиција од Косово, Албанија и ОАЕ — утрово се предаде по 21 месец

Перпарим Бајрами за кого утрово се јави дека пеш се вратил во земјава по 21 месец бегство, бил предмет на барања за екстрадиција упатени од Република Северна Македонија кон три држави — Косово, Албанија и Обединетите Арапски Емирати.

Министерството за правда достави хронологија според која полицијата ги известувала надлежните за можни сознанија каде се наоѓа Бајрами. Во одговорот стои дека МВР-СМПС на 19.12.2024 година известило: "според можни сознанија поседуваме информација дека лицето Перпарим Бајрами е во Косово." На 20.12.2024 година е поднесено барање за екстрадиција за Косово.

Клучни датуми

Министерството наведува дека на 27.02.2025 година примило известување од МВР-СМПС дека Бајрами се наоѓа во Албанија, по што на 12.03.2025 година е направено барање за екстрадиција за Албанија. Потоа, на 30.10.2025 година МВР-СМПС известило дека "според можни сознанија поседуваме информација дека лицето престојува во Обединетите Арапски Емирати" и на 26.01.2026 година е поднесено барање за екстрадиција за ОАР.

Од Министерството за правда потенцираат дека „сите известувања за тоа каде се наоѓаат лицата се примени од МВР-СМПС и по секое известување е постапено.“ За секое известување, велат, Министерството барало и примило списи од скопското обвинителство преку државното обвинителство (ЈОРСМ) и веднаш по приемот ги пратило барањата за екстрадиција.

Истиот модел бил применет и за Артан Груби, обвинет во истото дело како Бајрами. Груби пеш се врати преку Косово и се појави на граничниот премин Блаце во средината на февруари 2026 година.

Според објавените информации, и Бајрами пеш ја преминал границата; одамна постоеле сознанија дека би се предал од Косово каде се криел од потерницата. Надлежните додаваат дека за предметот се уште постојат отвори истраги.

Фото: прес-материјал од настанот