Плата од 1.800 КМ и куќа на користење: се бара семејство за имотот во Мотике

Семејството Пустахија објави необичен оглас: бараат семејство кое би живеело и работело на нивниот имот во населбата Мотике кај Бања Лука и нудат плата од 1.800 конвертибилни марки (околу 920 евра), како и куќа и имот за користење.

Во понудата е вклучено обезбедено сместување, пријава и платени придонеси. Предност ќе имаат семејства со деца кои имаат искуство со секојдневниот селски начин на живот.

Што вклучува имотот и какви обврски носи

Тихомир Пустахија (66), роден во Мотике, кој со семејството се отселил по земјотресот во 1969 година, вели дека зад иницијативата не стои пресметка за финансии или барање евтина работна сила, туку искрена желба да се зачува дедовината и да се овозможи на едно семејство да ужива во природата и да му се пружи здраво детство на село.

Имотот содржи уредена куќа со три спални соби и помошни објекти: штала, свињарник и кокошарник. На место има и поголемо стадо овци за кое е потребна секојдневна грижа, а на располагање е целосна земјоделска механизација — трактор, тример и моторна пила.

Секојдневните обврски околу грижата за животните одземаат околу пет до шест часа дневно. За потешките физички работи, како косење трава, балуирање сено или берење овошје, е предвидена дополнителна помош. Понудата вклучува постојано вработување, пријава и можност за долгорочен престој на имотот.

Фото: прес-материјал од настанот