Vdes 66-vjeçarja nga Rosoman, ngritet në 11 numri i viktimave nga West Nile

Një grua 66-vjeçare nga Rosoman vdiq pas një forme të rëndë të virusit West Nile që prek sistemin qendror nervor. Sipas mjekëve, pacientja kishte shumë sëmundje kronike shoqëruese dhe përparimi i sëmundjes ishte tepër i rëndë.

Numri i viktimave u rrit në 11

Direktori i Klinikës së Sëmundjeve Infektive në Shkup, Fadil Cana, deklaroi: "Një paciente tjetër me formë të rëndë të virusit West Nile është e hospitalizuar në Klinikë; ajo prej kohësh është në repartin e kujdesit intensiv dhe është në ventilim mekanik. Ajo është në Klinikë pothuajse një muaj."

Me këtë rast, numri i vdekjeve nga virusit West Nile në vend u ngrit në 11.

Cana shtoi se që nga 25 shtatori nuk ka pasur shtrime të reja spitalore për virusin West Nile, por se monitorimi dhe trajtimi i rasteve serioze vazhdojnë.

Autoritetet shëndetësore bëjnë thirrje për masa parandaluese kundër pickimit të mushkonjave dhe për kërkim të shpejtë të ndihmës mjekësore në rast shfaqjeje simptomash, veçanërisht te të moshuarit dhe personat me sëmundje kronike.

Foto: material shtypi nga ngjarja