Почина фитнес-инфлуенсерот Лиам Фицџералд во сообраќајна несреќа на 29 години

Познатот фитнес-инфлуенсер и креатор на содржини на OnlyFans, Лиам Фицџералд, ненадејно почина на 29-годишна возраст во тешка мотоциклистичка несреќа, објави неговата девојка.

Фицџералд, кој живееше и работеше во Мајами, им подлегна на повредите во петокот околу два часот по полноќ, додаде таа во емотивната објава на социјалните мрежи.

„Со тешко срце ја споделувам разорувачката вест дека Лиам нè напушти по мотоциклистичка несреќа. Се здоби со тешки повреди и покрај сите напори да го спасат, лекарите не успеаја да го вратат во живот. Немам зборови да ја опишам болката…“

„Почивај во мир, Лиам, те сакаме многу“, напиша таа, замолувајќи ја јавноста за приватност во овие тешки моменти.

Влијание и работа

На Инстаграм, Фицџералд имаше повеќе од еден милион следбеници и редовно споделуваше совети за вежбање, здрав живот, мода и финансии. Тој беше заштитно лице на неколку фитнес-брендови и активен креатор на съдържини на различни платформи, вклучувајќи ја и OnlyFans.

Не ја криеше ниту страста кон брзината и моторите, честопати објавувајќи фотографии од возења. По потврдувањето на неговата смрт, многу колеги и инфлуенсери се простија со трогателни пораки, потсетувајќи на неговата позитивна енергија и влијание врз широката публика.

Фото: прес-материјал од настанот