Почина Луа Марија Бланко, ѕвезда од серијата Бунтовници

Бразилската актерка и пејачка Луа Марија Бланко, која стана популарна по улогата на Роберта во младинската серија "Бунтовници" (Rebelde Brasil), почина на 40-годишна возраст по тешка и долга битка со рак на цревата. Веста ја потврди нејзиниот брат, Даниел Бланко.

Нејзиниот брат на социјалните мрежи испрати емотивна порака: „Со голема тага ја објавуваме смртта на нашата сакана сестра Луа Марија Бланко. Последните месеци се бореше со ракот, а покрај неа беа семејството и пријателите. Замина во мир, опкружена со љубов. Засекогаш ќе биде со нас и ќе ни го осветлува животот“, напиша нејзиниот брат скршен од болка.

Музичко семејство и почетоци

Луа потекнува од познато музичко семејство: таа е внука на легендарниот боса нова музичар Били Бланко и ќерка на пејачот Били Бланко Јуниор. Кариерата ја започна уште како дете, настапувајќи во група со членовите на семејството, пред да се посвети на глумата и самостојната музичка работа.

Нејзиниот најголем професионален успех беше улогата на бунтовната Роберта Меси во серијата "Бунтовници", снимана од 2011 до 2013 година. Серијата имаше 410 епизоди, а музичката група RebeldeS, во која пееше и Луа, одржа повеќе од 90 концерти и продаде повеќе од 120.000 албуми.

По крајот на серијата, Луа ја продолжи глумечката и солистичката кариера; нејзиниот последен студиски албум излезе во 2023 година. Обожаватели низ светот преку социјалните мрежи изразуваат сочувство до нејзиното семејство по оваа прерана загуба.

Фото: прес-материјал од настанот