Почина младиот клавијатурист Славен Илиќ од MIX BAND

Младиот 22-годишен клавијатурист и член на популарниот српски состав MIX BAND, Славен Илиќ, трагично го загуби животот во тешка сообраќајна несреќа која се случи на патот Зворник – Милиќи на 28 август. Веста за неговата прерана смрт ја потресе јавноста, особено семејството, пријателите и колегите од музичката сцена.

Колегите: „Тој беше срцето и душата на нашиот бенд“

Со емотивна објава на социјалните мрежи, членовите на MIX BAND истакнаа дека не загубиле само колега, туку брат и верна поддршка, и со тага се простија од него:

„Тешко е да се најдат зборови кога ќе си замине некој кој беше срцето и душата на нашиот бенд. Загубивме не само клавијатурист, туку брат, поддршка и пријател со кого ги делевме најубавите моменти на сцената и надвор од неа. Твоите прсти создаваа магија на клавијатурите, а твојата насмевка ја исполнуваше секоја просторија“.

„Засекогаш ќе го чуваме споменот на тебе. Почивај во мир, драг наш брате“, порачаа скршените колеги.

Бројни обожаватели и пријатели упатија сочувство и поддршка до семејството на младиот музичар во овие најтешки моменти. Музичката заедница го жалува заминувањето на еден талентиран млад изведувач, чија кариера допрела до многубројна публика во регионот.

Фото: прес-материјал од настанот