Почина украинската новинарка Марија Скибинска и нејзината мајка во судир со автобус
42-годишната главна уредничка на „Фокус“ и нејзината 63-годишна мајка загинаа откако автомобилот удри директно во меѓународен автобус во Житомирска област.
Познатата украинска новинарка Марија Скибинска (42) и нејзината 63-годишна мајка Наталија загинаа во тешка сообраќајна несреќа откако автомобилот во кој патувале директно удрил во меѓународен патнички автобус во Житомирска област.
Несреќата се случила во саботата попладне на патниот правец Киев – Ковел – Јагодин. Според првичните информации, возилото со кое управувала Скибинска од засега непознати причини преминало во спротивната коловозна лента и удрило во автобусот; од силниот удар двете починале на самото место. Возачот на автобусот бил повреден и пренесен во болница, додека патниците немале сериозни повреди.
Потврда и истрага
Веста за трагедијата ја потврди сопругот на Марија, Данило Зубко, кој е припадник на украинските вооружени сили. Полицијата започнала детална истрага за да ги утврди точните околности под кои дошло до сообраќајната несреќа.
Марија Скибинска остави повеќе од 18 години искуство во медиумскиот сектор: работела во новинската агенција „РБК-Украина“ и била долгогодишен главен уредник на порталот „5.UA“. Од ноември 2025 година ја вршеше функцијата главен уредник на медиумот „Фокус“. Нејзината мајка Наталија исто така беше долгогодишна работничка во медиумите на „5 Канал“.
Семејството и колегите преку социјалните мрежи изразија сочувство, додека истражителите собираат траги и изјави на очевидици.
Фото: прес-материјал од настанот