Policët e Probishtipit: morëm vetëm urdhra verbale gjatë detyrës në Pulse
Në gjyq për zjarrin e 16 marsit, oficerët mes 13 të pandehurve thanë se nuk u informuan për rreziqet e sigurisë.
Policët nga Probishtipi, të dërguar në detyrë në Koçan, dëshmuan se kishin marrë urdhra verbale dhe jo të shkruara. Disa oficerë dhe shefa deklaruan sot në seancë se nuk ishin informuar më herët për detyrat dhe për rreziqet e sigurisë me të cilat mund të përballeshin.
Sipas dëshmive, ata ndiqnin udhëzimet e zyrtarëve në vendngjarje dhe vetëm pasi mbërritën u njoftuan se do të zhvillohej një aksion për drogë në disa kafene. Prandaj, thanë, nuk e dinin se çfarë rreziqesh sigurie mund t’i prisnin gjatë detyrës.
Prindërit e viktimave e konsideruan të pakuptueshme faktin që urdhrat ishin verbale dhe jo të shkruara.
Procesi gjyqësor dhe viktimat
Rasti në gjykim ka të bëjë me mosveprimin gjatë ushtrimit të detyrave zyrtare nga policët që ishin prezentë në Pulse gjatë zjarrit më 16 mars të vitit të kaluar, në të cilin humbën jetën 63 të rinj, ndërsa më shumë se 200 u lënduan.
Janë të pandehur gjithsej 13 policë. Në seancën e sotme disa dëshmitarë thanë se nuk patën informacion të detajuar për natyrën dhe shkallën e detyrës para mbërritjes në vendngjarje.
Gjykata do të vazhdojë të dëgjojë dëshmitarë ndërsa prokuroria dhe mbrojtja paraqesin versionet e tyre për përgjegjësitë gjatë asaj nate.
Foto: material shtypi nga ngjarja
