Policia e Tetovës arreston gjashtë persona dhe sekuestron armë pas të shtënave në festë në Dobri Dol

Gjashtë veta u arrestuan dhe një person u thirr në bisedë zyrtare pasi policia nga Tetova kreu kontrolle në disa lokacione dhe sekuestruar armë dhe municion, pas një videoje që u shpërnda në rrjetet sociale ku të rinj qëllonin me pistoleta nga automjetet gjatë një feste familjare në Dobri Dol, rajoni i Gostivarit.

"Sot (01.08.2026) oficerë të policisë nga Drejtoria e Policisë Tetovë në lidhje me videon e publikuar në rrjetet sociale për të qëlluar në një festë familjare në Dobri Dol, komuna e Gostivarit, kryen kontrolle në disa lokacione, gjatë të cilave u arrestuan gjashtë persona dhe një person u thirr në bisedë zyrtare. Gjatë kontrolleve u gjet dhe u sekuestrua armë dhe municion.

Në orën 18:00 u kontrollua banesa e I.S. (21) nga fshati Dobri Dol, dhe në 18:05 banesa e A.I. (30) nga Dobri Dol, ku u gjet dhe u sekuestrua një pistoletë me gaz. Në të njëjtën kohë u krye kontroll edhe te I.B. (25) nga Dobri Dol.

Në 18:15 u kontrollua banesa e B.A. në Dobri Dol, ku u gjetën 30 fishekë për pistoletë me gaz, ndërsa në oborr u gjetën 27 predha të shkarkuara nga pistoleta me gaz dhe një fishek për armë gjuetie. Nga liria u privuan B.A. (46) dhe djali i tij M.A. (21) nga Dobri Dol.

Më pas, në 18:25 u kontrollua banesa e T.M. (26) nga Dobri Dol, ku u gjet dhe u sekuestrua një pistoletë me tetë fishekë, një armë gjuetie me shtatë fishekë dhe një pistoletë me gaz; T.M. u arrestua, ndërsa S.M. u ftua për bisedë zyrtare", njoftoi Ministria e Punëve të Brendshme.

Të gjitha personat janë dërguar në stacion policor për procedura të mëtejshme, dhe policia bëri të ditur se pas dokumentimit të plotë të rasteve do të ngrihen kallëzime të përshtatshme.

Foto: material shtypi nga ngjarja