Повлечен популарен пудинг од Лидл: откриена бактерија Bacillus cereus

Лидл Хрватска го повлекува од продажба производот „Milbona High Protein Pudding Chocolate“ — пудинг со висока содржина на протеини, во пакување од 200 грама — откако е утврдено присуство на бактеријата Bacillus cereus.

Хрватската агенција за земјоделство и храна (HAPIH) соопшти во среда дека сериите кои се повлекуваат имаат рок на употреба до 14 септември 2026 година, а производот го испорачува германската компанija Fude + Serrahn Milchprodukte GmbH & Co. KG.

Непочитување на европското законодавство за храна

Во известувањето се наведува дека производот не е во согласност со Регулативата (ЕЗ) бр. 178/2002 на Европскиот парламент и Советот од 28 јануари 2002 година, со која се утврдуваат општите принципи и услови на законодавството за храна и постапките за безбедност на храната.

Известувањето се однесува исклучиво на Milbona High Protein Pudding Chocolate, 200 грама, со рок на употреба до 14 септември 2026 година, и на производите кои се продаваат во продавниците на Лидл во Хрватска.

Потрошувачите кои го купиле наведеното пакување можат да го вратат во која било продавница на Лидл во Хрватска и да добијат поврат на парите; не е потребно приложување фискална сметка.

Фото: прес-материјал од настанот