Пожар над Палиград: огнот се приближува до куќи, пожарникарите дежураат цела ноќ

Во селото Палиград во Општина Зелениково гори пожар кој се приближува до куќите, соопштија од терен.

Екипите на Протипожарната бригада на Град Скопје и Центарот за управување со кризи (ЦУК) се на местото на настанот и интензивно работат на негово локализирање, информираше вечерва директорот на ЦУК, Мухамед Али.

Интервенција и ноќна дежурство

Директорот Али истакна дека противпожарните тимови ќе останат на терен во текот на целата ноќ за континуирано следење на состојбата и брза реакција доколку огнот се доближи до домовите.

За утре рано наутро најави дека е предвидена воздушна интервенција која треба да помогне во целосно ставање на пожарот под контрола.

Надлежните уверуваат дека се преземаат сите потребни мерки за да се заштитат жителите и имотите во селото Палиград додека траат напорите за локализирање на огнот.

Фото: Центар за управување со кризи