Zjarret në Evropë zbulojnë hendekun e sigurimit

Europa po përjeton një nga sezonet më të rënda të zjarreve në pyje në vitet e fundit, ku Franca, Spanja dhe Greqia janë ndër vendet më të goditura.

Në Francë janë evakuuar rreth 220.000 persona, ndërsa humbjet e përgjithshme ekonomike vlerësohen midis 10 dhe 15 miliardë euro.

Kompanitë e sigurimit pritet të mbulojnë vetëm një pjesë të dëmeve, dhe pjesa më e madhe e ngarkesës do të bie mbi shtetet dhe qytetarët.

Kosto në rritje dhe hendek më i madh

Ekspertët paralajmërojnë se zjarret që bëhen më të shpeshta dhe më intensive për shkak të ndryshimeve klimatike do të rrisin kostot e sigurimeve dhe do të zgjerojnë hendekun midis dëmeve reale dhe mbulimit nga siguruesit.

Nëse zjarret e mëdha fillojnë të prekin më shpesh zona me dendësi të lartë banimi, humbjet mund të rriten ndjeshëm dhe të vënë në provë financat publike dhe sistemet e emergjencës.

Sipas të dhënave të institucioneve evropiane, vetëm rreth një e katërta e humbjeve nga katastrofat klimatike në Evropë gjatë dekadave të fundit janë qenë të mbuluara nga sigurimet.

Analistët vlerësojnë se vala aktuale e zjarreve pritet të nxisë debatin për masa më të forta ndaj rreziqeve klimatike dhe për zgjerimin e mbulimit të sigurimit në vendet e Bashkimit Evropian.

Foto: material shtypi nga ngjarja