Премиера на „Федра — Антропологија на една желба“ во Драмски театар

На големата сцена на Драмски театар в сабота ќе биде премиерата на диптихот „Федра — Антропологија на една желба“. Постановката ја потпишува босанскиот режисер Дино Мустафиќ, кој ги спои два драмски текста: „Федра“ од Жан Расин и „Љубовта на Федра“ од Сара Кејн.

Режија, текстови и сценско решение

Мустафиќ ја третира митската приказна за Федра како продолжена дискусија што минува од Еврипид и Сенека до современите автори, и ја нагласува централната тема — трагичниот крај што следува по невозвратената љубов. "А, гревот бил што љубела и сакала тоа да ѝ се возврати," вели режисерот од БИХ за диптихот „Федра — Антропологија на една желба“.

Режисерот поставува повеќе прашања кои ја водат драмската линија: "Каде се јавува тој грев? Дали само затоа што сака да ја исполни својата душа со љубов? Како на тоа гледало општеството ? Како на тоа реагирал системот? Каков е воопшто односот меѓу моќта и жената или воопшто меѓу љубовта како некој идеал, ако сакате за внатрешната вистина, кој што често сме принудени поради различни околности да го криеме – Дино Мустафиќ- режисер."

Во основата на конфликтот е вљубеноста на Федра во посинокот. Главната улога ја толкува првенката на Драмски театар, Јелена Жугиќ, која го гледа трагичниот крај на својот лик како чин на бунт.

По осум години во трупата се врати актерот Дејан Лилиќ, кој ја игра улогата на Тезеј во постановката по текстот на Расин. "Трагичниот крај на сопругот на Федра, тој го гледа во направените грешки," вели Лилиќ, додавајќи дека проблемот со неслушањето води до грешки кои може да бидат прелеани на целото општество: "Проблемот на неслушањето доведува до правење на грешки. Лични, персонални, кои што можат де факто да бидат прелеани на целото општество. На целата генерација, на пример – Дејан Лилиќ- актер."

Во „Љубовта на Федра“ Тезеј го толкува Александар Степанулески, а ликот на посинокот Хиполит во двете претстави го играат Лазар Христов и гостинскиот Леонардо Лазов. Актерите настапуваат, пеат и свират на авторска музика на самите актери, парчиња избрани од режисерот Мустафиќ и специјално создадена музика од Влатко Стефановски.

Фото: прес-материјал од настанот