Претседателот на ФИБА Европа, Хорхе Гарбахоса, го посети Гевгелија
Претседателот на ФИБА Европа го проследи натпреварот Македонија–Украина на Дивизија „Б“ за кадети и доби пригоден дрес од КК Кожув.
На 11 август 2026 година претседателот на ФИБА Европа, Хорхе Гарбахоса, беше во посета на Гевгелија и од трибините го проследи дуелот меѓу кадетските репрезентации на Македонија и Украина.
Гарбахоса претходно беше гостин на Младинската кошаркарска конвенција во Скопје, а оваа посета ја оствари на покана од раководството на Кошаркарската федерација на Македонија и од градоначалникот на Општина Гевгелија.
Почит и пригоден подарок
Претседателот на ФИБА Европа беше пречекан од градоначалникот Андон Сарамандов и претседателот на КФМ, Томче Главчев, а од трибините го следеше натпреварот во рамки на Европското првенство до 16 години, Дивизија „Б“, кое се одржува во Гевгелија и Скопје.
Како знак на гостопримство, на Гарбахоса му беше врачeн специјално изработен дрес на КК Кожув, со што беше означена неговата посета на градот кој овие денови е еден од централните домаќини на младинската европска кошарка.
Посетата дополнително ја потврди успешната соработка меѓу ФИБА Европа и Кошаркарската федерација на Македонија и го истакна значењето што европската организација го дава на развојот и промоцијата на младинската кошарка.
Фото: прес-материјал од настанот