Притворени двајцата лекари за смртта на Јоргос Мазонакис

По маратонско сослушување што траеше над 16 часа, судија им одреди притвор на дватајцата лекари — брачен пар — во чија ординација почина грчкиот пејач Јоргос Мазонакис. Претходно обвинетите ги негираа обвинувањата, но обвинителството го смени обвинението и сега се товарат за убиство со евентуална умисла.

Истражителите алармираат на пропусти и одложена помош

Мазонакис почина од срцев удар минатата среда за време на медицинска процедура плазмафереза (therapeutic plasma exchange) во ординацијата на лекарскиот пар. Ординацијата беше регистрирана како обична приватна ординација по интерна медицина, но, според истрагата, без дозвола вршела терапии со матични клетки и сепарација на крвна плазма.

Полициската истрага откри низ пропусти во работата на ординацијата и во текот на самата процедура. Според истрагата, пејачот починал нешто помалку од еден час пред да биде информирана и повикана брзата помош, а лекарите се обиделе сами да го реанимираат 54‑годишникот без да имаат соодветни средства или да повикаат брза помош за пренесување во болница.

Конкретниот апарат за плазмафереза го регистрирал целиот процес, три пати звучно предупредил за можни проблеми и го означил моментот кога срцето престанало да работи — звучни сигнали кои, според обвинителството, лекарката ги игнорирала.

Адвокатот Хараламбос Ликудис за јавната телевизија ЕРТ изјави: „доколку брзата помош била повикана навремено, тогаш пејачот можеби ќе можеше да биде спасен.“

Во маратонското сослушување, што почна вчера околу 14 часот и заврши рано утрово, двајцата лекари ги негираа обвиненијата. Тие тврдеа дека апаратите биле легални и одобрени, дека немале намера да предизвикаат смрт и ја префрлија одговорноста на брзата помош за начинот на транспортот. Лекарката, која била задолжена за плазмаферезата, околу осум часа објаснуваше дека не можела да го предвиди исходот и дека следела протокол; таа додаде дека звучните сигнали не мораат да укажуваат на срцев удар, туку можат да бидат поврзани со проблеми со вени или венски катетери. Неговиот сопруг и сопственик на ординацијата рече дека во тоа време бил во соседна просторија со друг пациент.

Двајцата лекари утрово беа префрлени во затворот Коридалос во западниот дел на Атина. Јоргос Мазонакис беше една од најпопуларните музички ѕвезди во Грција со кариера подолга од три децении, над десет албуми и илјадници настапи; на 54 години ненадејно почина, а на 20 септември требаше да одржи концерт во Атина по повод својата 33‑годишна кариера.

Фото: Фејсбук/ Giorgos Mazonakis