Приведен 27‑годишен мотоциклист од Гостивар: возел „јамаха“ 188 км/ч на делница со ограничување 80 км/ч
Мотоциклист е лишен од слобода откако со „јамаха“ возел 188 км/ч на делница со ограничување 80 км/ч.
Приведен е 27-годишен мотоциклист од Гостивар кој со мотоцикл марка „јамаха“ бил сниман со брзина од 188 километри на час на делница каде што максимално е дозволено 80 километри на час, соопшти Министерството за внатрешни работи.
Регистрираниот прекршок е евидентиран вчера во 16:20 часот на автопатот Гостивар – Тетово, со помош на специјално полициско возило пресретнувач.
Лишен од слобода поради сомнение за безобѕирно управување
„Возачот В.Б. (27) е лишен од слобода поради сомнение за сторено кривично дело безобѕирно управување со моторно возило. Против него ќе следува соодветна постапка“, се вели во полициското соопштение.
Од МВР информираат дека полицијата продолжува со засилени сообраќајни контроли со пресретнувачи низ државата, со цел откривање и санкционирање на несовесните возачи и зголемување на безбедноста во сообраќајот.
Министерството апелира до сите учесници во сообраќајот да ги почитуваат правилата и прописите, нагласувајќи дека неприспособената брзина е една од главните причини за сообраќајни незгоди со тешки последици.
Фото: Принтскрин
