Работник загина откако го удрил „Ербас А350“ на аеродромот Монтреал Трудо

Работник на аеродромот „Монтреал Трудо“ во Канада загина откако бил удрен од „Ербас А350“ на 24 август околу 19:30 часот по локално време. Загинатиот бил вработен во компанијата „Самсик“, која обезбедува услуги на земја на аеродромот, и бил погоден додека авионот се подготвувал за лет кон Париз.

Според првичните информации, авионот на авиокомпанијата „Френч би“ се движел наназад на пистата/апроната за време на подготовките. Работникот, дел од тимот задолжен за операции на пистата, бил тешко повреден и итно пренесен во болница, но подоцна им подлегнал на повредите.

Во несреќата немало повредени патници или членови на екипажот. Авиокомпанијата „Френч би“ соопшти дека соработува со канадските власти во истрагата.

Отворена истрага за околностите

Канадските медиуми наведуваат дека загинатиот бил дел од заедницата на аеродромот и беше вклучен во операции на апронот и пистата. Сè уште се истражува како точно дошло до контактот меѓу авионот и работникот и какви биле движењата во моментот на ударот, како и дали биле почитувани сите безбедносни процедури при движењето на леталото на земја.

Аеродромските власти изразија сочувство до семејството, пријателите и колегите на загинатиот и најавија поддршка за вработените и за патниците кои биле сведоци на несреќата. За денеска е најавена и минута молчење (24 август).

Фото: Скриншот