РКЕ ги зголеми малопродажните цени на нафтените деривати за 1,55%

Регулаторната комисија за енергетика, водни услуги и услуги за управување со комунален отпад на Република Северна Македонија (РКЕ) донесе одлука со која се врши зголемување на малопродажните цени на нафтените деривати во просек за 1,55% во однос на одлуката од 26.10.2026 година.

Референтните цени на нафтените деривати на светскиот пазар во споредба со претходната пресметка бележат промени: кај бензините има намалување во просек за 0,793%, кај дизелот има зголемување за 0,409%, кај екстра лесното масло има намалување за 0,695%, додека кај мазутот е забележано зголемување од 2,546%.

Комисијата посочува дека курсот на денарот во однос на доларот по кој беа формирани цените со претходната пресметка бил повисок за 0,4400%, фактор што е земен предвид при новото формирање на цените.

Какви се конкретните промени на малопродажната мрежа

Малопродажните цени на бензините ЕУРОСУПЕР БС-95 и ЕУРОСУПЕР БС-98 се зголемуваат за 2,00 ден/лит.

Малопродажната цена на ЕУРОДИЗЕЛ (Д-Е V) се зголемува за 1,00 ден/лит, а малопродажната цена на Екстра лесното масло за домаќинство (ЕЛ-1) не се менува.

Малопродажната цена на Мазутот М-1 НС се зголемува за 1,300 ден/кг и сега ќе изнесува 55,573 ден/кг.

Фото: прес-материјал од настанот