РКЕ: Од ноќеска бензините поевтинуваат за 1,5 ден, дизелот за 3 денари

Регулаторната комисија за енергетика денеска донесе одлука за намалување на цените на горивата, која стапува на сила од ноќеска на полноќ.

Цените на бензините се намалуваат за 1,5 денари по литар, а цената на дизелот за 3 денари по литар. Согласно новата цена, еуросупер БС-95 ќе се продава по 98,5 денари за литар, еуросупер БС-98 по 100,5 денари за литар, а литар дизел ќе чини 97 денари од полноќ.

Поевтинување и на мазутот и екстра лесното масло

Со одлуката се намалува и цената на екстра лесното масло за домаќинство за три денари по литар и тоа ќе се продава за 108,5 денари за литар. Цената на мазутот е намалена за 0,285 денари по килограм и ќе изнесува 49,597 денари.

Одлуката ја донесе Регулаторната комисија за енергетика (РКЕ) и ќе важи од 00:00 часот, од кога на бензинските пумпи низ земјата ќе се применуваат новите малопродажни цени.

Мицкоски очекува намалување на цените на горивата.

Фото: прес-материјал од настанот