Rusia thotë se marrëveshja për dizel do t'i japë nxitje ekonomisë dhe do të lejojë eksport të drejtpërdrejtë në SHBA

Zëvendëskryeministri rus Alexander Novak tha se marrëveshja për furnizime me dizel me Shtetet e Bashkuara do t'i japë një nxitje ekonomisë ruse dhe do të lejojë eksport të drejtpërdrejtë në tregun amerikan.

"Pa dyshim, kjo është një sinjal pozitiv për ekonominë tonë. Marrëveshja do të forcojë prodhimin dhe rafinimin e naftës, dhe njëkohësisht do të gjenerojë të ardhura tatimore për buxhetin shtetëror të Rusisë. Agjencitë shtetërore ruse dhe kompanitë e naftës tani po finalizojnë kontratat e furnizimit me kolegët e tyre amerikanë," tha Novak.

Synime për volumin dhe tregun

Novak shtoi se sipas marrëveshjeve, dërgesat do të shkojnë në tregjet globale, por edhe drejtpërdrejt në Shtetet e Bashkuara, duke lidhur marrëveshjet me forcimin e zinxhirit të prodhimit dhe me të ardhurat fiskale.

"Rusia synon të rikthejë eksportin mujor të dizelit në 3.5 milionë tonë metrikë deri në fund të 2026, me ç'rast pjesëmarrja jonë në tregun global do të kalojë 10%," tha Novak.

Këto deklarata nënvizojnë synimin e Moskës për të rikthyer shkallën e eksporteve të dizelit dhe për t'u ringjallur në tregun ndërkombëtar brenda dy viteve të ardhshme.

Foto: AP)