Русија стави под привремена управа имот на четири европски компании

Русија стави под привремена управа имот на уште четири европски компании во земјата, според указ на претседателот Владимир Путин објавен во четврток.

Во указот се наведени имотите на францускиот производител на подни облоги „Таркет" (Tarkett), германскиот производител на амбалажа „Меншен" (Menshen), шведската компанија „Сверија интернешнл холдингс" (Sverija International Holdings) и холандската „Соноко" (Sonoco).

Одлуката следува по слична мерка од минатиот месец со која беа опфатени прехранбениот концерн Nestlé и трговските синџири „Ошан" (Auchan) и „Метро" (Metro). Тогаш Кремљ соопшти дека станува збор за реверзибилни мерки и ги опиша како одговор на улогата на земјите од Европската Унија во украинскиот конфликт.

Политички и економски последици

Новите потези доаѓаат во услови на дополнително влошување на односите меѓу Москва и ЕУ поради европската поддршка за Украина. Руски официјални претставници ги претставуваат ваквите мерки како форма на економски притисок.

Во меѓувреме се појавуваат информации дека САД би можеле да разгледуваат можност за превземање контрола над дел од средствата на Русија замрзнати во Европа. Одлуката за ставање под привремена управа ќе ги зголеми правната и комерцијалната неизвесност за странските компании што работат во Русија.

Фото: прес-материјал од настанот