SHBA për herë të parë konfirmojnë se kanë vendosur armë në orbitën e Tokës

Shtetet e Bashkuara për herë të parë konfirmuan publikisht se kanë vendosur armë në orbitën e Tokës, duke pranuar zyrtarisht se Uashingtoni zotëron kapacitete sulmuese në hapësirë.

Sekretari i Forcave Ajrore, Troy Meink, deklaroi në një konferencë për ajrin, hapësirën dhe hapësirën kibernetike se armët në orbitë janë të nevojshme për të mbrojtur forcat amerikane nga “kërcënimet që po evoluojnë”, por nuk dha hollësi për llojet e pajisjeve apo për kohën e vendosjes.

Kufizimet ligjore dhe rreziqet

Marrëveshja e vitit 1967 ndaloi vendosjen e armëve të shkatërrimit në masë në orbitë, por fuqitë kryesore, përfshirë SHBA, Rusinë dhe Kinën, kanë zhvilluar alternativa jashtë fushëveprimit të asaj marrëveshjeje — veçanërisht masa që mund të çaktivizojnë ose shkatërrojnë satelitët e rivalëve, të cilët janë thelbësorë për komunikimet ushtarake, zbulimin dhe navigimin.

Forcat Hapësinore të SHBA-së, degë e re e ushtrisë amerikane themeluar në 2019, u krijuan për të mbrojtur kapacitetet amerikane në hapësirë, përfshirë qindra satelitë të përdorur për komunikim dhe zbulim.

Një zëdhënës i Space Force tha: “Control of the space domain encompasses the mission areas necessary to contest and control the space domain, through the use of kinetic and non-kinetic means to affect an adversary's capabilities by disrupting, degrading, and even destroying, if necessary. Those capabilities may be used for offensive and defensive purposes, at the direction of combatant commands.”

Zyrtarët amerikanë kanë vënë në dukje programet ruse dhe kineze për të zhvilluar mënyra për të sulmuar dhe çaktivizuar satelitët amerikanë. Në fillim të shkurtit u bë e ditur se dy satelitë rusë me gjasa interceptuan komunikime nga të paktën njëmbëdhjetë satelitë evropianë pas pushtimit të Ukrainës nga Rusia në 2022. Në 2024, SHBA thanë se Rusia kishte nisur një satelit që besohet se mund të jetë i aftë të sulmojë anije të tjera kozmike.

Administrata e mëparshme promovoi iniciativa hapësinore mbrojtëse, përfshirë raketa interceptuese dhe një plan mbrojtës të etiketuar si “Golden Dome”. Zyrtarët thonë se pranimi i pranisë së armëve në orbitë synon të pengojë sulmet ndaj satelitëve amerikanë dhe të ruajë sistemet hapësinore që mbështesin fuqitë moderne ushtarake.

Foto: Ilustracija