Сара Митевска избори осминафинале на ЕП во Парма

22.09.2026 — Македонската тенисерка Сара Митевска се пласира во осминафиналето на Европското првенство за тенисери и тенисерки до 16 години во Парма, откако денеска во третото коло ја совлада унгарката Емесе Серкеди.

Митевска го доби мечот со 2-1 во сетови. Првиот сет го освои со 6:3 во гемови, го загуби вториот со 6:4, а во решавачкиот сет одигра безгрешно и го доби со 6:0 во гемови.

Против првата носителка

Утре во осминафиналето Митевска ќе се соочи со првата носителка Марија Валентина Поп од Романија. Победникот од тој дуел ќе се најде меѓу осумте најдобри во континенталното натпреварување.

Митевска е репрезентативка на Македонија во БЏК купот и имаше настап на Медитеранските игри во Таранто — настапи кои ѝ донесоа меѓународно искуство во младинските конкуренции.

Во машка конкуренција денеска настапи и Марко Алексовски, кој беше совладан со 2-0 во сетови (63 61) од Матс Хуте од Холандија.

Фото: прес-материјал од настанот