Саша Ковачевиќ ја одложи турнејата по влошување на здравјето

Менаџментот со итно соопштение извести дека здравствената состојба на популарниот пејач Саша Ковачевиќ ненадејно се влошила околу дваесетина дена по операцијата на стапалото, поради што тимот бил приморан да донесе тешка одлука за одложување на дел од турнејата.

По операцијата, Ковачевиќ се обидел да ги исполни обврските – дури настапил само три дена по зафатот во Мајданпек, седејќи на стол и со лонгета на ногата. Меѓутоа, поради појава на нови компликации и проценка на лекарскиот тим, била укажана потреба од дополнителна пауза и строго мирување за да се избегнат посериозни последици.

Во официјалното известување до јавноста менаџментот наведува: „Ве известуваме дека претстојните концерти на Саша Ковачевиќ се одложуваат поради влошување на неговата здравствена состојба по операцијата на стапалото, поради што моментално не е во можност да настапи во првично закажаните термини.“

Организаторите изразија надеж за брзо закрепнување и продолжување на турнејата: „Се надеваме дека здравствената состојба на Саша Ковачевиќ набрзо ќе се подобри, за турнејата да продолжи и преостанатите концерти да се одржат во согласност со планираното. Ви благодариме за разбирањето, трпението и континуираната поддршка.“

Список на одложени концерти

Настапите кои се одложуваат до понатамошно известување ги опфаќаат концертите во Србија и регионот:

• 16 октомври – Крагуевац, Хала Езеро
• 17 октомври – Шабац, Хала Зорка
• 23 октомври – Риека, Сала Exportdrvo
• 24 октомври – Пула, Дом на спортови Мате Парлов

Организаторите информираат дека новите датуми ќе бидат објавени наскоро и дека сите веќе купени влезници ќе важат за префрлените термини. Фановите се повикуваат да ги следат официјалните канали за дополнителни информации.

Фото: прес-материјал од настанот