СДСМ: Нова дива депонија кај Рашче го загрозува изворот што го снабдува Скопје

Генералниот секретар на СДСМ, Александар Саша Димитријевиќ, денеска на прес‑конференција алармира дека во заштитеното еколошко подрачје кај Рашче се формира дива депонија која ја загрозува изворската вода што го снабдува Скопје и околу 25 отсто од населението во државата.

„Страшно е тоа што го гледаме тука на терен. За оваа катастрофа, не му треба на ВМРО и градоначалникот Орце Ѓорѓиевски дрон – еве каква е состојбата… катастрофа! Тотален хаос“, рече Димитријевиќ, опишувајќи ја состојбата како растечка и неконтролирана дивоградба на отпад во заштитената зона.

Од партијата соопштија дека ваквата депонија е директна закана не само за водата за пиење, туку и за квалитетот на земјоделските производи од регионот. СДСМ додава дека повеќе од еден месец над 50 населени места, вклучително и Гостивар, се соочуваат со небезбедна и загадена вода за пиење.

Димитријевиќ упати низа прашања до централната и до локалните власти: кој дозволил создавање на дивата депонија во близина на изворот, кој гарантира дека водата во Скопје е моментално безбедна и кој ќе понесе одговорност ако се случи поголема катастрофа. Тој исто така праша: „Кој дозволил ваква дива депонија да се создава во близина на изворот од кој се снабдува една четвртина од граѓаните во државата? Ова е директна закана за водата за пиење и за здравјето на граѓаните.“

Во обраќањето СДСМ побара итна реакција од институциите за спречување на понатамошно загадување и за преземање мерки за заштита и испитување на извориот Рашче, нагласувајќи дека не смее да се чека нова, уште поголема катастрофа.

„Не може цела Македонија да биде заложник на неспособноста и неодговорноста на ВМРО“, додадоа од партијата, барајќи јасни мерки и одговорност од овластените институции.

Фото: СДСМ