Седум загинаа на A66 кај Мидлсбро откако пасат се движел во спротивна насока и удрил полициско возило

Седум лица го загубија животот во судир на автопатот A66 кај Мидлсбро во Велика Британија откако автомобил се движел во спротивна насока и со голема брзина удрил во означено полициско возило за вооружени интервенции. Несреќата се случи во саботата и предизвика шок на локалната заедница.

Меѓу загинатите се двајца полицајци: 38-годишниот Том Клаф и 37-годишниот Метју Блејдс. Тие биле во означено полициско возило за вооружени интервенции на патот A66 кога во нив удрил Volkswagen Passat.

Во патничкиот автомобил биле пет лица, сите загинати: 18-годишниот Мекеј Садингтон; 23-годишниот Мајкл Роберт Кехил; 23-годишниот Џејкоб Матусиак; 17-годишниот Тео Реј; и 17-годишниот Кол Роберт Ворти. Од полицијата соопштија дека претходно го следеле „пасатот“, но потерата била прекината само неколку секунди пред судирот.

Реакции и прашања за објавување снимки

Случајот повторно ја отвори јавната дебата за објавување снимки од опасно возење на социјалните мрежи. Профил на Тикток, за кој се верува дека припаѓал на 18-годишниот Мекеј Садингтон, претходно објавил снимки на кои наводно се гледа опасно возење; тие снимки меѓутоа биле отстранети.

Владата ги повика компаниите кои управуваат со социјалните мрежи да ги отстрануваат objавите што слават опасно однесување, а премиерот Енди Барнам оцени дека нивното споделување е „навистина за осуда“. Претходно, министерот за одбрана Лук Полард изјави дека „компаниите за социјални мрежи можат лесно да ја отстранат содржината и да ги приспособат своите алгоритми за да спречат нејзино ширење“ и додаде дека владата „веќе презела чекори". Полард предупреди дека компаниите знаат дека корисниците објавуваат содржини за да привлечат прегледи, а поголемиот број прегледи понекогаш носи и заработка, што создава финансиски поттик за објавување „шокантна содржина“.

По трагедијата, на две GoFundMe-страници отворени за семејствата на полицајците Метју Блејдс (37) и Том Клаф (38) собрано е повеќе од £450,000. Истражителите и натаму работат на утврдување на сите околности околу судирот.

Фото: ЕПА