Шкендија на дербито во Кратово посакува „пет од пет“

Попладнево, на 28.08.2026 со почеток од 16:00 во Кратово, дерби натпреварот меѓу Силекс и Шкендија ќе го отвори 5. коло во Првата македонска лига. Средбата го спојува лидерот на табелата, Шкендија, и третопласираниот Силекс — две од најефикасните екипи во досегашниот дел од сезоната.

Тетовци бараат „пет од пет“

Шкендија заминува во Кратово со максимален скор: четири победи и 12 бода, што ја става екипата на +5 пред Силекс. Целта на тетовчани е да ја продолжат серијата и да го сочуваат водството во првенството.

Силекс под водство на стратегот Александар Васоски ќе се обиде да одговори по минатонеделниот убедлив пораз од Вардар. Како домаќини, кратовци ќе сакаат да ги залечат „раните“ од тој неуспех и да избегнат втор пораз по ред.

Сепак, Шкендија и на овој меч ќе биде драстично ослабена: ќе ги нема Красниќи, Гаје, Фреитас, Ѓорѓиевски и Димоски поради повреди. Добра вест за стратегот Артим Положани е враќањето на стоперот Анес Мелиќи во ростерот.

Во пресрет на дуелот, напаѓачот Фахд Ндзенгуе даде јасна порака: “ Сакаме да победиме. Треба да победиме, па мислам дека натпреварот ќе биде добар. Имам доверба во моите соиграчи и во стручниот штаб. Ајде да одиме и да го добиеме овој натпревар, тоа е единственото нешто што можам да кажам, ајде да одиме на победа и да продолжиме со победничката серија.Ако јас постигнам гол, тоа е добро за мене затоа што сум напаѓач, но ако тимот победи и некој друг постигне гол, тоа е сепак добро затоа што тимот е над сите. Мораме да направиме сè за тимот, тимот е на прво место.“

Дербито во Кратово ќе го отслика распоредот по петтото коло и ќе даде дополнителен знак како се обликува борбата за врвот во домашното првенство.

Фото: прес-материјал од настанот