Шкотска мора во Скопје да даде брз гол — во првите 26 минути!

Шкотска влегува во дуелот во Скопје под голем притисок да се прекине низата без голови — и пресметките велат дека гостите мора да дадат погодок во првите 26 минути за да избегнат неславен рекорд.

Факти и форма

Македонија доаѓа на натпреварот со шест натпревари без погодок, вкупно 607 минути без гол. Шкотска, пак, има четири средби во низа без погодок, или 422 минути. Нашиот последен погодок е од минатата година против Велс на гости при дебаклот од 7:1; Шкотска ја тресеше мрежата на дуелот со Хаити на мундијалот, по што во средбите со Мароко (1:0), Бразил (3:0), Словенија (0:0) и Швајцарија (0:3) не ја тресеше противничката мрежа.

На клупата на Шкотска од август е нов селектор — белгискиот стратег Себастиан Покоњоли. Пред доаѓањето во Македонија тој нагласи:

„ Не треба да имаме притисок од статистиката и фактот дека долго време немаме дадено гол. Јас верувам во овие момци и по она што го видов на дуелите со Словенија и Швајцарија можам да кажам дека постојат позитивни моменти кои треба да ги докажеме и на дуелот со Македонија. Сепак ова е фудбал а минутите на недавање гол е само статистика. Битен е крајниот едфект“, истакна белгискиот стратег Себастиан Покоњоли кој од август е на клупата на Шкотска.

Шкотските медиуми пресметаа дека ако не дадат гол во првите 26 минути, ќе ризикуваат да го повторaт несреќниот рекорд од пред 55 години: најдолгата серија во која Шкотска не постигнала гол изнесува 447 минути и датира од 1971 година.

За домашната репрезентација ова се уште е потсетник на тешките показатели во последно време. Слоганот на ФФМ — „Ова е наше време…“ — ќе звучи иронично доколку таблата и повторно молчи.

Фото: прес-материјал од настанот