Штип без вода од 14:00 — филтер-станицата исклучена поради екстремна матност

Градот Штип од 14 часот е без вода за пиење откако филтер-станицата беше исклучена од цевководот на хидросистемот Злетовица поради голема заматеност на водата што пристигнува од браната Кнежево, информираше на вонредна прес-конференција директорот на ЈП Исар Штип Александар Арсовски.

Арсовски посочи дека синоќешното невреме што го зафати пробиштипскиот регион предизвикало нагло зголемување на матноста во суровата вода, поради што операторите морале да ја стопираат преработката за да го заштитат процесот и да не ја доведат во ризик безбедноста на дистрибуцијата.

Ограничувања и моментални параметри

"Причина за екстромно големата матност за водата за пиење е синоќешното невреме што го зафати пробиштипскиот регион, а хидро-системот Злетовица има потешкотии во работењето и снабдувањето со сирова вода на сите општини што ја користат - посочи Арсовски.

"Ние сме во можност да преработуваме матна вода со параметри од околу 50 NTU а во моментов примаме матна вода со над 400 NTU. Екипите на Злетовциа и на ЈП Исар координарно работат за надминување на овој проблем со водоснабдувањето, а од вас граѓаните бараме разбирање и трпение се до надминување на овој проблем настанат како резултат на елементарна непогода, изјави Арсовски.

Прашан кога ќе се нормализира водоснабдувањето, Арсовски одговори дека е неблагодарно да се каже точен временски рок: тимовите работат на обезбедување хемиско-бактериолошки исправна вода за пиење и истовремено ја штитат автоматизираната опрема на филтер-станицата.

Од ЈП Исар повикаа граѓаните да обезбедат разбирање и да ги следат натамошните инструкции од претпријатието, како и да штедат вода додека преработката не може безбедно да отпочне повторно.

Фото: прес-материјал од настанот