Шведска нуди до 32.000 евра за доброволно враќање — кој може да аплицира?
Нови правила од 1 јануари 2026: лица со дозвола за заштита можат да аплицираат за до 350.000 круни; лимит за домаќинство е 600.000.
Шведска го зголеми износот на финансиската помош за доброволно враќање на мигрантите — едно возрасно лице може да добие до 350.000 шведски круни (приближно 32.000 евра), а максималниот износ за едно домаќинство е 600.000 круни (приближно 55.000 евра). Промените стапија во сила на 1 јануари 2026 година и веднаш предизвикаа интерес.
Кој може да аплицира и какви се износите
Помошта е наменета само за лица што имаат важечка шведска дозвола за престој добиена врз основа на потреба од заштита, како што се статус на бегалец или супсидијарна заштита; по правило дозволата треба да им била издена најдоцна до 12 септември 2024 година. Парите може да се искористат за преселување во матичната земја или во друга држава каде лицето има законско право да живее, но не и за преселување во земји-членки на Европската Унија, Европскиот економски простор или во Швајцарија.
Со новите правила едно возрасно лице може да добие најмногу 350.000 шведски круни (≈32.000 евра). Брачна или вонбрачна двојка може да добие најмногу 500.000 круни, додека максималниот износ за целото домаќинство изнесува 600.000 круни (≈55.000 евра). За секое дете се доделуваат дополнителни 25.000 круни (≈2.300 евра), но вкупната сума не смее да ја надмине утврдената граница за домаќинството.
Зголемувањето е драстично во однос на претходните правила: пред измените едно возрасно лице може да добие само 10.000 шведски круни, па максималниот износ за поединец е зголемен 35 пати.
Според податоците на шведската Агенција за миграција, до средината на февруари биле поднесени 272 барања, од кои 82 биле одбиени; неколку недели подоцна бројката се зголемила на околу 370 и првите барања по новите правила биле одобрени.
Владата ја образложува мерката како обид да им се даде шанса на лицата кои не успеале да се интегрираат да започнат нов живот во земјата од која потекнуваат и потенцијално да има позитивен ефект врз пазарот на труд во тие земји. Иако програмата за доброволно враќање постои од 1984 година, низ годините ја користеле релативно мал број луѓе — токму поради тоа владата ги зголеми износите за да ја зголеми привлечноста на мерката. Поттикна и критики кои предупредуваат на можни негативни последици и на резервите од претходната државна анализа.
Фото: прес-материјал од настанот
