Përmbytje dhe rrëshqitje toke në veriperëndim të Spanjës, dy gra humbën jetën; dy foshnja të plagosura

Një përmbytje e ndjekur nga rrëshqitje toke për shkak të reshjeve të dendura goditi fshatin e vogël Mansanedo de Valdueza në veriperëndim të Spanjës, duke shkaktuar vdekjen e dy grave të moshuara dhe duke lënduar dy foshnja, njoftuan autoritetet rajonale.

"Është konfirmuar vdekja e dy grave, rreth moshës 60 dhe 80 vjeç", thanë shërbimet e emergjencës të rajonit Castile and León, duke shtuar se dy foshnjat u morën në kujdes për shkak të mavijosjeve. Një burrë mbi 80 vjeç, i raportuar fillimisht si i zhdukur, u gjet pa lëndime.

Në vendngjarje u dërguan zjarrfikës, policia, ekipe të shërbimit të urgjencës mjekësore dhe anëtarë të Gardës Civile. Pamjet nga helikopterët e shpëtimit tregojnë se fshati është i rrethuar nga terren kodrinor dhe i pyllëzuar.

Masë gurësh dhe balte mbuloi automjete

Mediat lokale publikuan foto në të cilat shihet një masë gri gurësh dhe balle që ka kaluar nëpër fshat dhe ka mbuluar plotësisht një makinë. Autoritetet thanë se përmbytja ndodhi gjatë një festë shtetërore.

Kryetari i komunës së afërt Ponferrada, Marco Morala, i tha gazetarëve se "stuhitë e forta në kodra shkaktuan një depo të madhe të gurëve, baltës dhe dheut" dhe se moti i keq shkaktoi dëme materiale edhe në fshatin fqinj Busas.

Përmbytja dhe rrëshqitja vijnë ndërsa Spanja po përballet prej javësh me kushte ekstreme të motit në formë të kundërt — valë të nxehtësisë dhe zjarre pyjore. Provinca e León, ku ndodhet Mansanedo de Valdueza, u godit nga disa nga zjarret më të rënda në Spanjë në vitin 2025; ai vit shënoi rekordin kombëtar për sipërfaqen e djegur, sipas Sistemit Evropian të Informacionit për Zjarret në Pyje.

Ekipet e shpëtimit vazhduan punën në vendngjarje për të ndihmuar banorët dhe për të vlerësuar shkallën e dëmeve.

Foto: Printskrin / Frans njuz 24