Сиприен Саразен се враќа на ски-патеките, цел 28 ноември 2026
31-годишниот Французин го зацрта повратокот на првиот супервелеслалом во Cooper Mountain по речиси две години пауза.
Францускиот алпски скијач Сиприен Саразен се подготвува да се врати во трките од Светскиот куп по страшната несреќа во декември 2024 година и веќе има конкретен датум во календарот: 28 ноември 2026 година на Купер Маунтин.
Саразен во декември 2024 на патеката Стелвио во Бормио доживеа тежок пад, при што доби сериозни повреди на главата и крвавење во мозокот, поради што беше итно опериран и извесен период беше во кома.
Враќањето на врвно ниво беше неизвесно и долготрајно, но 31-годишниот Французин ја гради формата и техничката подготвеност чекор по чекор. Тој во разговор за Eurosport изјави дека подготовките во аргентинската Ушуаја му донеле значителен напредок и самодоверба по речиси две години без трки.
Саразен рече дека тренинзите во Ушуаја му помогнале да се справи со различни снежни услови и додаде дека пред заминувањето во Јужна Америка имал само два дена на скии, па резултатите ги надминаа неговите очекувања.
Враќање на Купер Маунтин
Во својот календар тој веќе го заокружил 28 ноември 2026 година како датум на можен повраток — првиот супервелеслалом од Светскиот куп за новата сезона на Cooper Mountain во САД. Ако стартува тогаш, тоа ќе означи крај на речиси две сезони отсуство од Светскиот куп.
Иако опстанокот во професионалниот ски спорт по таква повреда долго беше под знак прашалник, сегашните подготовки на Саразен даваат знаци дека верува оти повторно може да им парира на најдобрите во спустот и супервелеслаломот.
Фото: прес-материјал од настанот
