Советот на јавните обвинители ќе формира комисии за избор на нов шеф на ОЈО ГОКК
На дневниот ред е формирање комисии кои ќе го водат изборот, а конечниот избор е закажан за 28 октомври 2026.
Советот на јавните обвинители денеска ќе одржи седница на која ќе бидат формирани комисии поврзани со постапката за избор на нов основен јавен обвинител на Основното јавно обвинителство за гонење на организиран криминал и корупција (ОЈО ГОКК).
Форми се Комисија за подготовка на кандидатски листи и Комисија за избор
На дневниот ред на 50-тата седница е предвидено формирање Комисија за подготвување кандидатски листи и Комисија за избор на основен јавен обвинител на ОЈО ГОКК, кои ќе ги уредат следните фази од постапката.
Досега на огласот за раководител на ОЈО ГОКК се пријавиле петмина јавни обвинители. Претседателот на Советот на јавните обвинители, Башким Бесими, потврди дека меѓу кандидатите се: вишиот јавен обвинител Јове Цветановски, обвинителот во Вишото јавно обвинителство и поранешен обвинител во СЈО Трајче Пеливанов, обвинителката од ОЈО Скопје Лидија Раичевиќ, како и обвинителите од ОЈО ГОКК Искра Хаџи-Василева и Фатон Азизи.
Огласот за избор беше објавен согласно Законот за Советот на јавните обвинители и Законот за Јавното обвинителство. Согласно условите, право на кандидатура имаат јавни обвинители со најмалку шест години непрекинат стаж во обвинителската функција до моментот на пријавувањето и со позитивна оценка во последните три години.
Седницата за избор на нов основен јавен обвинител на ОЈО ГОКК е закажана за 28 октомври 2026 година. Постапката се води поради истекување на мандатот на актуелниот раководител Ислам Абази, кој беше избран на функцијата во октомври 2022 година.
Фото: прес-материјал од настанот
