Kryeministri serb Gjuro Macut në vizitë në Ohër, u takua me Hristijan Mickoski

Kryeministri i Serbisë, Gjuro Macut, pasdite arriti në Ohër si pjesë e vizitës zyrtare në vendin tonë. Në aeroportin e Ohrit e prit ministri i Punëve të Jashtme dhe Tregtisë së Jashtme, Timcho Mucunski.

Pasi u prit në aeroport, Macut zhvilloi një takim me pritësin e tij, kryeministrin Hristijan Mickoski. Në takim u hapën çështje për thellimin e bashkëpunimit dypalësh, marrëdhënieve ekonomike dhe lidhjes infrastrukturore midis dy vendeve.

Fokus në bashkëpunim praktik

Të dy kryeministrat konfirmuan vendosmërinë për avancimin e marrëdhënieve miqësore dhe për shqyrtimin e iniciativave të përbashkëta që do të kontribuonin në zhvillim dhe prosperitet më të madh. Në diskutim u trajtuan edhe sfidat rajonale aktuale dhe mundësitë për koordinim më të madh.

Në postimin në rrjetet sociale, Mucunski shkroi: "Në fokus të bisedimeve do të jenë përmirësimi i mëtejshëm i dialogut politik dhe thellimi i bashkëpunimit ekonomik midis dy vendeve. Ohëri, si një qytet me rëndësi jashtëzakonisht historike, shpirtërore dhe kulturore, përbën një urë midis dy vendeve dhe vendin e duhur për një takim të përkushtuar ndaj miqësisë, fqinjësisë së mirë, stabilitetit rajonal dhe bashkëpunimit".

Kryeministri Mickoski pas takimit deklaroi: "Ne konfirmuam vendosmërinë e përbashkët për avancimin e mëtejshëm të marrëdhënieve miqësore, të bazuara në respekt të ndërsjellë, bashkëpunim të mirë fqinjësor dhe interes të përbashkët për një rajon të qëndrueshëm dhe prosperues".

Macut, gjithashtu në një postim në rrjetet sociale, shkroi: "Me padurim presim diskutime për projekte konkrete që më tej do të forcojnë bashkëpunimin në fushat e infrastrukturës, energjetikës, ekonomisë dhe ndërlidhjes rajonale".

Foto: Facebook