Стан од осум квадрати во Белград предизвика лавина реакции на социјалните мрежи

Со растечките цени на недвижностите, секој квадрат станува сè поскап — и микростановите сè почесто влегуваат во јавната дебата. Видео од дизајнерка на ентериер од Белград, во кое таа покажува функционален стан од само осум квадратни метри, предизвика лавина коментари на социјалните мрежи.

Како е решен просторот

Авторката објасни дека секој сантиметар е внимателно искористен: ѕиден кревет што се склопува преку ден и ослободува простор за мала дневна, кујна со фрижидер, мијалник и работна плоча, простор за складирање садови и намирници, гардеробер со огледало во влезниот дел, полици за обувки и место за мини машина за перење. Во состав е и маса на склопување за работа или ручек, а кровната површина може да се користи како мала тераса.

За да се постигне чувство на пространост користени се светли бои, огледала и внимателно осмислено осветлување. Дизајнерката го опишува проектот како експеримент со цел да покаже колку функционалност може да се смести на само осум квадратни метри.

Видеото беше објавено на Instagram и брзо собра реакции: имаше пофалби за креативноста и практичните решенија, но и бројни скептични коментари кои сомневаат дека таков простор е соодветен за долготрајно живеење.

„Кога живеев во Хонг Конг, бев во апартман од десет квадрати. Имаше речиси сè што се гледа во видеото и можам да кажам дека никому не би му препорачала таков живот“, напиша една корисничка.

Другите реакции беа подиректни: „Подобро да живее на тераса.“ „Најважно е да немаш куфери.“ „Затворската ќелија има повеќе место.“ „Колку што сфатив, ова е стан во плакар?“ „Овакви работи проаѓаат само во Јапонија. Кај нас тоа е премногу.“ „А кога ќе ти дојде гостин, мораш да излезеш.“ „Мислам дека би било подобро кога личноста би можела да спие стоејќи овде.“ „Секоја чест.“ „Ова е идеално за мене, со оглед на тоа што никогаш ме нема дома.“

Додека едни во ваквите решенија гледаат потенцијален правец за густо урбано домување, други сметаат дека ни најпаметниот распоред не може да го замени просторот што дава комодитет и поголема квалитет на живот.

Фото: прес-материјал од настанот