Стојановски по поразот од Хрватска: Да гледаме и мислиме позитивно, со кренати глави гледаме напред

Селекторот на македонската репрезентација до 16 години, Дејан Стојановски, ја поздрави борбеноста и пристапот на своите кошаркари и рече дека првото полувреме донело надеж и поуки и покрај поразот од Хрватска.

Што кажа селекторот

„Имавме добро прво полувреме, играчите го оставија срцето на теренот, а тоа ни беше најважно. Од кошаркарските елементи повторно ни недостигаше дисциплина и подобро делење на топката. Премногу влегувавме во ситуации еден на еден.“

Во продолжение Стојановски посочи дека тимот ја покажа вистинската насока, особено во одбраната, но дека ограничената ротација на клупата не дозволува да се одржи истото темпо во сите 40 минути: „За жал, немаме доволно длабочина на клупата за да можеме да го одржиме тоа темпо во сите 40 минути.“

Тој им честиташе на играчите за борбеноста и го оцени ривалот: „Хрватска е една од најквалитетните екипи во Европа, не само на овој турнир.“ Сподели и увереност дека со ист темпо и одбрана имаат шанси против следните противници.

Стојановски нагласи дека најважно е играчите да се одморат, а потоа тимот да ги анализира грешките: „Сега е многу важно играчите да се одморат, а потоа да ги анализираме нашите грешки. Сигурен сум дека ќе успееме да ги поправиме. Да гледам и мислиме само позитивно, со кренати глави гледаме напред. И уште еднаш би сакал да ги повикам нашите навивачи салата да биде уште повеќе исполнета и да ја поддржат екипата.“

Македонија дуелот со Швајцарија го игра утре, на 10 август 2026 година, во салата „26 април“ со почеток во 18:30 часот.

Фото: прес-материјал од настанот