Странците на Тиквеш победници на 26. издание на турнирот „Вуко Каров и тиквешките легенди“
Тимот на Тиквеш составен од странски фудбалери го освои првото место, домашниот тим беше втор, а Тетекс трети.
Заврши 26. издание на турнирот „Вуко Каров и тиквешките легенди“, што се организира во чест на фудбалските легенди од Кавадарци, а првото место го освои тимот на Тиквеш составен од странски фудбалери.
Признанија
Тиквеш со домашни фудбалери го заврши турнирот на второто место, додека трето место освои ФК Тетекс од Тетово.
За најдобар голман на турнирот беше прогласен Христијан Стевковски од ГФК Тиквеш. Признанието за најдобар играч и најдобар стрелец му припадна на Лавал Емануел Тохиб, исто така од кавадаречкиот клуб.
По завршувањето на натпреварите, ГФК Тиквеш упати благодарност до Општина Кавадарци, семејството на Вуко Каров, институциите, соработниците и поддржувачите кои помогнаа во организацијата на настанот.
Традиционалниот турнир повторно ги собра поранешните ѕвезди и актуелните состави во натпревар посветен на фудбалското наследство на регионот.
Фото: ГФК Тиквеш 1930 Кавадарци\/FC Tikves 1930 Kavadarci (FB)
