Струјата поскапува во Европа: во Германија дневната тарифа над 300 евра за МWh

Европските пазари на електрична енергија бележат нов раст на цените откако подолг период со облачно време и слаб ветер ја намали производството од соларните и ветерните електрани. Експертите предупредуваат на ризик од таканаречената „дункелфлауте“ — феномен при кој истовремено опаѓа производството од сонцето и ветерот, токму во период кога расте побарувачката за греење.

Најизразен раст е забележан во Германија, каде што цената на дневната тарифа на струјата на пазарот надмина 300 евра за мегават-час, а во вечерните часови истата чинела и над 500 евра за мегават-час.

Недостигот од производство од обновливи извори ги тера енергетските системи да се потпрат на други извори, вклучително и електрани на природен гас, што дополнително ги зголемува трошоците за производство на струја.

Засилување на притисокот со пристигнувањето на зимата

Со приближувањето на зимата, предизвикот станува поизразен: пократките денови и повисоката потрошувачка за греење обично водат до поголемо побарување во период кога обновливите извори можат да даваат помалку електрична енергија.

Сепак, соларната енергија останува важен фактор во намалувањето на зависноста од увоз на гас — според наведените податоци, од февруари досега ѝ заштедила на Европската Унија околу 42,9 милијарди евра за увоз на овој енергент.

Пазарните актери и операторите на преносните мрежи ќе ги следат временските прогнози во наредните недели додека се обидуваат да ја усогласат понудата со побарувачката и да обезбедат резервни извори на енергија.

Фото: прес-материјал од настанот