Energjia po shtrenjtohet në Evropë — në Gjermani çmimi ditore kalon €300 për MWh

Tregjet evropiane të energjisë elektrike po përjetojnë një rritje të çmimeve pas një periudhe të gjatë me mot të vrenjtur dhe erë të dobët, që ka ulur prodhimin nga panelet diellore dhe turbina e erës. Ekspertët paralajmërojnë rrezikun e ashtuquajturës "dunkelflaute" — kushteve atmosferike kur prodhimi nga dielli dhe era bien njëkohësisht, në një periudhë kur kërkesa rritet për shkak të ngrohjes.

Rritja më e theksuar u regjistrua në Gjermani, ku çmimi në tarifën ditore të elektricitetit në treg e tejkaloi shifrën prej 300 euro për megavat-orë, ndërsa në orët e mbrëmjes arriti dhe nivele mbi 500 euro për megavat-orë.

Mungesa e prodhimit nga burimet e rinovueshme detyron sistemet elektrike të mbështeten më shumë te burime të tjera, përfshirë termocentralet me gaz natyror, gjë që i rrit edhe më tej kostot operative.

Sfida rritet me ardhjen e dimrit

Me afrimin e dimrit, sfida energjetike në Evropë pritet të përkeqësohet: ditët më të shkurtra dhe rritja e kërkesës për ngrohje zakonisht nënkuptojnë konsum më të lartë të energjisë kur prodhimi nga burimet e rinovueshme mund të jetë më i ulët.

Pavarësisht kësaj, energjia diellore mbetet një faktor i rëndësishëm për uljen e varësisë nga importet e gazit; sipas të dhënave të përmendura, që nga muaji shkurt deri tani ajo i ka kursyer Bashkimit Evropian rreth 42.9 miliardë euro në shpenzime për importin e gazit.

Pjesëmarrësit në treg dhe operatorët e rrjeteve do të monitorojnë me kujdes parashikimet e motit gjatë javëve në vijim për të rregulluar ofertën dhe kërkesën dhe për të aktivizuar burime rezervë kur të jetë e nevojshme.

Foto: material shtypi nga ngjarja