Protesta studentore në Bruksel prishen nga përplasjet me policinë

Disa qindra njerëz — kryesisht studentë të rinj — u mblodhën sot në qendër të Brukselit për të protestuar ndaj rritjes së kostove në arsim, por disa nga tubimet u shndërruan në përplasje me policinë ku u përdorën gaz lotsjellës dhe topa uji.

Grupet studentore thonë se dalin në protesta kundër reformave dhe tarifave të reja që, sipas tyre, do ta bëjnë arsimin e lartë më të paarritshëm. Shumë protestues mbanin maska dhe brohorisnin slogane antifashiste.

Qeveria paralajmëron reagim të ashpër

Ministri belg i Brendshëm Bernard Quintin vlerësoi se ajo që po ndodh në Bruksel nuk është më një protestë e zakonshme dhe paralajmëroi se do të përdoren të gjitha mjetet e nevojshme për të rivendosur rendin. Ai shkroi në X: "What is happening in Brussels is no longer an ordinary protest! This is clear and unequivocal violence, organised and repeated with the aim of destabilising our society. The Federal Police are supporting the local police. All necessary means will be used to restore order."

Protesta të ngjashme studentore janë raportuar edhe në qytetin lindor Liège, ku studentët më herët gjatë muajit kishin shprehur shqetësime për gjendjen e sistemit arsimor dhe rritjen e kostove.

Ngjarjet në Bruksel lidhen pjesërisht me valën e protestave në Francën fqinje, ku muajin e kaluar demonstratat që nisën në shkolla të mesme në disa periferi të varfra të Parisit u shtrinë në një lëvizje kombëtare kundër pabarazisë dhe reduktimeve në financimin publik.

Foto: EPA/OLIVIER HOSLET (Arhiva)