Студија: Топлотните бранови се опасни за лица над 60 години уште на пониски температури
Истражување во „Лансет паблик хелт“ покажа дека лицата над 60 години се изложени на ризик од некомпензиран топлотен стрес при пониски температури отколку што се мислеше.
Ново истражување предводено од здравствени експерти од Универзитетот Стенфорд во Калифорнија покажува дека лицата на возраст од 60 години и повеќе се соочуваат со сериозни здравствени ризици од изложеност на топлина на многу пониски температури отколку што досега се сметаше.
Студијата, објавена во списанието „Лансет паблик хелт“, укажува дека постарите ќе го понесат најголемиот товар од почестите и подолги топлотни бранови ширум светот.
Зошто постарите се повозложени
Авторите објаснуваат дека екстремните температури може да предизвикаат некомпензиран топлотен стрес — состојба во која телото ја губи можноста ефикасно да се олади — што носи ризик од сериозни здравствени компликации, па дури и смрт.
Постарите лица се особено ранливи затоа што нивниот организам помалку се поти, срцето работи понапорно при високи температури, а крвните садови потешко се шират. Истражувачите предупредуваат дека претходните студии ја оперирале со прагот за одржување на топлотниот баланс кој е утврден за помладите возрасни и го применувале за сите генерации, со што бил занемарен зголемениот ризик од срцеви удари кај постарите.
Според заклучоците, програми за јавно здравје и системи за предупредување на опасни временски услови треба да ги прилагодат праговите и мерките штитејќи популацијата над 60 години на пониски температури од досега предвидените.
Фото: СДК.МК)