Сведок: мајката на судијата Ѓоко Ристов уплатила околу 400.000 евра за неизградени станови
Круме Апостолов сведочеше дека уплатата од околу 400.000 евра била направена за четири неисградени стана, додека пронајдените пари во ѕидот се предмет на обвинение.
На денешното судење на апелациониот судија Ѓоко Ристов, градежниот инвеститор Круме Апостолов сведочеше дека мајката на обвинетиот уплатила околу 400.000 евра за станови кои никогаш не биле изградени, и дека семејството Ристов имало и други депозити кај него.
Апостолов, кој се занимава со купување земјиште и градење, рече дека го познава обвинетиот и дел од неговото семејство со години и детално опиша разговори во јануари 2025 година со тетка Донка за купување на четири стана со вкупна површина од 250 квадрати.
„Го познавам обвинетиот Ѓоко Ристов многу одамна, и мајка му тетка Донка и чичко Здравко”, рече тој пред судот.
Крстосувања и докази
На прашање дали уплатениот износ бил изменет или вратен, сведокот одговори дека сумата останала на сметка. Тој кажа дека во април тетка Донка го побарала вознемирена за документите и побарала барем дел од парите да ѝ бидат вратени, но дека тој веќе ги инвестирал и не ѝ вратил ништо. Апостолов додава дека по една година ветил дека градбата ќе почне за десет дена и дека цените на становите се зголемени.
Во вкрстено прашање, адвокатот праша дали сведокот некогаш комуницирал со Ѓоко за тие станови; сведокот одговори: „Не”. Кога беше прашан дали имал кривичен предмет кај Ристов, тој повторно рече дека не.
Адвокатот на обвинетиот реагираше поради тоа што во предметот нема копија од прислушуван телефон од затвор, во кој, како што рече, се споменуваат судии од Глумово и Сарај, адвокатот Васил Димишков и судијата за организиран криминал Иле Трпков. Обвинителката Искра Хаџивасилева одговори: „Тие материјали се екстрахирани од мобилен телефон кој бил на вештачење, а не се материјали од посебни истражни мерки.”
Прокуророт почна да изведува докази со цел да покаже дека откриеното закопано богатство произлегува од кривични дела, а не од приходи од лозарство на семејството. Ристов е обвинет за кривичните дела Противправно стекнување и прикривање имот и Перење пари и други приноси од казниво дело.
Парите беа пронајдени спакувани во 13 поединечни пакувања: 610 банкноти во апоени од по 500 евра и 225 банкноти во апоени од по 200 евра, од кои дел со обележани рачно испишани износи, скриени во заѕидан простор во шуплините од цигли во ѕид на кујната.
Фото: СДК.МК)
