Свештеник од Таунус по 37 години ја напушта жупата за да се ожени

Германски свештеник објави дека по 37 години служба ја напушта жупата за да се ожени со жената со која, вели, долго имал тајна врска.

„Причината е тоа што се женам“, напиша Андреас Унфрид на интернет-страницата на жупата Св. Уршула во регионот Таунус, близу Франкфурт.

Унфрид ја известил бискупијата во Лимбург и бискупот Георг Бацинг за својата одлука да се повлече со цел да се ожени со својата „голема љубов“. Тој додава дека заедно ќе бараат начини како од сега да продолжат да ја живеат својата христијанска вера и повикот.

Реакција од бискупијата

Портпаролот на бискупијата, Стефан Шнеле, изјави дека бискупот „веднаш го суспендирал“ Унфрид. Бискупијата му се заблагодарила „на деценибиите служба и му посакува сè најдобро“ и соопштила дека бискупот Бацинг не знаел за нивната тајна љубовна врска.

Шнеле додаде: „Случаите како овој се случуваат одново и одново.“ Според црковните прописи, католичките свештеници се врзани со целибат и не смеат да се женат.

Фото: прес-материјал од настанот