Тело на британска туристка пронајдено во куфер во Кипсели, Атина

Телото на 38-годишна британска туристка, идентификувана како Елизабет Џејн Рос од Шкотска, беше пронајдено во куфер во напуштена зграда во атинската населба Кипсели, откако бездомник пријавил сомнителен багаж полицијата.

Полицијата соопштува дека Рос пристигнала во Грција на 29 јуни, а последен пат била видена на 15 јули, по што следело откривањето на телото и известување на семејството.

Форензичарите велат дека на телото не се пронајдени видливи повреди или траги од борба; точната причина за смртта ќе биде утврдена откако ќе завршат токсиколошките анализи. Истражителите проценуваат дека жената најверојатно починала пет до седум дена пред да биде откриена.

Меѓународна истрага

Грчката полиција го води случајот во соработка со Интерпол и со помош од британските и кипарските власти. Истражителите проверуваат каде се движела Рос пред исчезнувањето и испитуваат дали патувала сама.

Британското Министерство за надворешни работи потврдило дека обезбедува конзуларна помош за семејството на починатата. Полицијата не соопштува дополнителни оперативни детали додека истрагата е во тек.

Фото: прес-материјал од настанот