Тетово доби Универзитетска библиотека „Кочо Рацин“

Владата по предлог на Министерството за култура и туризам ја донесе одлуката за проширување на дејноста на Националната установа Библиотека „Кочо Рацин“ и нејзина трансформација во Универзитетска библиотека „Кочо Рацин“ во Тетово.

Нова улога за библиотеката како поддршка на високото образование

Министерството наведува дека одлуката е значаен чекор за Тетово како универзитетски центар и има за цел да ја поддржи развојната улога на високото образование, науката и библиотечните услуги. Со проширувањето на дејноста, библиотеката ќе ја прошири својата улога во градот и во Полошкиот Регион.

Во соопштението Министерството за култура и туризам потенцира улогата на библиотеката како национална установа од областа на културата и нејзината одговорност за задоволување на културните, информативните и едукативните потреби на жителите.

„Одлуката претставува значаен чекор за Тетово како универзитетски центар и важен придонес кон унапредувањето на високото образование, науката и библиотечните услуги. Како национална установа од областа на културата, Библиотеката ‘Кочо Рацин‘ има важна улога во задоволувањето на културните, информативните и едукативните потреби на граѓаните на Тетово и Полошкиот Регион. Со проширувањето на дејноста, библиотеката ќе обезбеди поширок пристап до своите фондови и услуги за студентите, професорите и истражувачите“, соопштија од Министерството за култура и туризам.

Библиотеката „Кочо Рацин“ оваа година ја прославува 80-годишнината од формирањето; добивањето статус на универзитетска библиотека е нова потврда за долгорочната работа и услугите што ги нуди установата.

Фото: З. Андонов)