Тетово: Родител пријави дека две 11-годишни биле малтретирани во центарот на градот
Родител тврди дека пет малолетници ги проверувале јакните на две 11-годишни за обележја на ФК Тетекс; полицијата соопшти дека не дошло до физички контакт.
Родител од Тетово објави на Фејсбук дека две деца на 11-годишна возраст во среда навечер биле жртви на физичко и вербално малтретирање во самиот центар на градот.
Како што наведува родителот, група од пет помали малолетници на возраст околу 13–14 години ги фатиле децата за гуша и почнале да им ги соблекуваат јакните за да проверат дали имаат маици или обележја на навивачката група на ФК Тетекс, „Војводи“. Едно од лицата што напаѓале снимало со мобилен телефон, а снимките потоа биле објавувани на посебен профил на Тикток каде се споделуваат вакви тепања низ Тетово.
Одговор од полицијата
„Секторот за внатрешни работи Тетово ја информира јавноста во врска со видеоматеријалите кои се споделени на дел од социјалните мрежи, а се однесуваат на синоќешниот инцидент во кој беа вмешани неколку малолетни лица, дека според информациите на СВР Тетово, синоќа неколку малолетници се обиделе да пристапат до две 11-годишни лица со намера да проверат дали нивната облека содржи обележја на навивачка група, при што реагирале случајни минувачи и не дошло до никаков физички контакт. СВР Тетово ја известува јавноста дека видеата кои се споделуваат во дел од медиумите не се од синоќешниот настан, туку станува збор за снимки од други претходни настани. Полициски службеници од СВР Тетово преземаат мерки за целосно расчистување на случајот, идентификување на инволвираните и утврдување на сите детали, со посебен фокус на превенција од какви било форми на меѓуетничка, меѓунационална или спортска нетрпеливост меѓу младите. Апелираме до јавноста за одговорно споделување информации и избегнување пласирање непроверени видеоматеријали кои можат да предизвикаат вознемиреност кај граѓаните“, се вели во соопштението на СВР Тетово.
Во соопштението, полицијата тврди дека во инцидентот реагирале случајни минувачи и дека не дошло до физички контакт, додека дел од објавените видеа се од порано. СВР Тетово соопшти дека работи на идентификување на учесниците и на целосно расветлување на настанот.
Родителот ја повика Министерството за внатрешни работи да преземе мерки за спречување на вакви меѓуетнички инциденти. На вестите за повторното појавување на снимки со тепања меѓу малолетници во јавноста, локалното население повторно го изрази нерашчистваното чувство на загриженост и притисокот за побрза реакција од надлежните.
Фото: СДК.МК)
