Тезгите на Бит-пазар се уриваат — сопственикот „Скопски пазар“ врши реновирање

Деновиве со градежна механизација се уриваат тезгите на Бит-пазар во Скопје. Просторот каде што се изведува интервенцијата е приватен имот во сопственост на „Скопски пазар“, кое врши реновирање на пазарот.

Од Општина Чаир реагираат дека станува збор за замена и подобрување на постоечката пазарна инфраструктура, а не за почеток на изградба на нови објекти.

Реновирање, не изградба

Општинските претставници објаснуваат дека боксовите за продажба со текот на годините се амортизирале и се отстрануваат за да се постават нови и современи продажни единици на истата локација, која е во приватна сопственост.

Работите се вршат на парцели управувани од „Скопски пазар“, кои го организираат обновувањето и поставувањето на новите боксови.

Граѓаните и продавачите во околината на Бит-пазар во последните денови забележуваат отстранување на старите тезги, а според општината целта е подобрување на изгледот и функционалноста на пазарот, без проширување со нови згради.

Фото: К. Попов)