Тивок почеток на пленарната седница: 54 точки, 45 по скратена постапка

Првата пленарна седница по летниот одмор започна во релативно тивко расположение, иако претходно имаше најави за блокади од страна на албанскиот опозициски блок.

Опозициската СДСМ во неколку наврати упати процедурални забелешки. Координаторот Оливер Спасовски реагираше дека се закажуваат седници на комисии пред да биде утврден дневниот ред на пленарната седница и укажа дека од 54 точки на дневниот ред, 45 се по скратена постапка.

Собранискиот спикер Гаши ја прифати забелешката во делот на работата на комисиските тела.

Политички кадар и ставови

СДСМ претходно обвинува дека постои интерен договор меѓу ДУИ и ВМРО‑ДПМНЕ за сценарио со блокади со цел предвремени парламентарни избори преку кои "интегративците би влегле на Илинденска". ВМРО‑ДПМНЕ, преку својот лидер Мицкоски, денеска одби да ги коментира овие гласини и се изјасни дека "не мора да се коментиора се и сешто кое излегува од партиските кујни но и оние на пратеничките групи во собранието ."

Од Левица велат дека не би биле изненадени ако постојат договори за предвремени избори — не само меѓу ДУИ и ВМРО‑ДПМНЕ туку и со опозициската СДСМ — но додаваат дека не гледаат ништо спорно во самите процедурални забелешки.

На денешниот дневен ред беа 54 точки, од кои 45 се по скратена постапка. Ниту еден од законите не е од оние што се носат по Бадинтер процедурата. Такви закони се три во образованието, еден за локална самоуправа, еден за правична застапеност и неколку десетици кои се однесуваат на раководните функции — прашања кои, според пратениците, ќе почекаат подобри времиња и политичка волја.

Фото: прес-материјал од настанот